大概兩星期前，熱刺首席射手哈利卡尼上載咗張獅子相上ig，暗示佢要全力捉「狐狸」，點知熱刺禮拜一燒鬚，贏唔到車路士，造就李斯特城提早兩輪聯賽封王。李城贏咗冠軍後，前鋒占美華迪喺網上明寸國家隊隊友卡尼，佢就放咗張《獅子王》嘅相上twitter，相入面隻獅子就快跌落懸崖，回擊卡尼。不過卡尼就好大方，被華迪寸完後一個鐘，就喺網上話：「恭喜李城贏冠軍，實至名歸。」