馬主鄧興強名下、賀蘭杜夫馬房的澳門馬「興圖」，上月角逐澳門打吡大賽，結果有好表現，喺雷神莫雷拉胯下，後上大勝「大沙頂」，6.3倍捧盃。
贏馬之後，鄧興強本周一晚，在本港馬「星二快勝」馬主呂少文旗下的灣仔喜萬年酒樓擺慶功宴，除咗鄧興強嘅家人之外，「福嘉皇」馬主鄧文豪、退役馬「文武福星」馬主許應斌等人都有出席，場面熱鬧。
對於愛駒能勝出澳門打吡，鄧興強說：「首先多謝練馬師，練馬師幫我揀咗隻馬好耐，都多謝馬房，亦多謝 Michael Tang(鄧文豪)，佢用咗好多心機，請莫雷拉幫我騎呢隻馬。」
咁你係咪覺得隻馬因為莫雷拉先贏到？
鄧興強說：「應該係啦，我諗你都覺得都係啦，莫雷拉真係騎得好好！」鄧興強又透露，「興圖」大多數會出爭本月15日在氹仔馬場舉行的澳門金盃，不過莫雷拉應該唔會再騎呢匹馬了。