今次立法會選舉有不少新政團、傘兵表態想參選，但不少泛民中人均指，最終有多少人可以正式出戰，完全是未知數，當中除涉及年輕人往往低估立會選舉壓力及工作量外，資源也是一大問題。有前學聯中人對季陶說，政圈盛傳早前有意籌組「香港列陣」參選的學聯前副秘書長岑敖暉，大有可能打退堂鼓不選，據聞當中也涉選舉資源問題。
開支遠超新東補選
該前學聯中人稱，參選立法會是「表面風光、背後坎坷」，一旦選舉落敗，以百萬計的選舉開支即化為烏有，若有政黨背後支持部份選舉開支，可能還好一點，若以個人名義參選，「要籌二、三百萬做選舉開支，你估好易？」
他聽聞岑敖暉曾找過一些學聯老鬼幫手籌募競選經費，「聽聞佢哋想籌最少一、二百萬，但今時今日經濟環境同政治氣氛，點籌幾百萬！」而且黃之鋒牽頭成立的香港眾志，也為立會選舉籌款，「可以預期成班年輕人政團周圍搶捐款，最終只會分薄晒，就算之鋒都冇可能再好似之前7.1遊行籌款咁，隨時籌到過百萬」。
另一泛民中人指，泛民候選人若經費不足，還可以問朋友借貸或抵押居所，「但呢班後生仔連工都未有，唔通問阿爸阿媽拎成百萬選立法會咩！仲要未必一定當選」，所以他聽聞岑其中一個放棄參選立會原因，就是沒有信心可籌到足夠經費，「反正唔係一定贏，冇必要冒呢個風險」。
對於有一些本土派、傘兵常說，當日本民前梁天琦參加新東立會補選，也沒用多少錢，有泛民中人笑言，當日梁只是一場三人參與補選，「仲有全部本土、熱血支持者仆晒落去幫佢（梁天琦）助選，梗係唔使用好多錢，今年9月本土、傘兵、熱血分成六七檔參選，義工人手分薄晒，到時咪又要出錢請人助選」。
季陶
周一、三、五刊出