香港嘅殘疾人士措施向來不足，最近仲要火上添油，噚日八方見到，通往立法會嘅中信天橋，約60米嘅盲人引導徑被鐵馬封咗（圖），失明人士豈不是無路可走？
香港盲人輔導會復康服務總監鄭美冰表示，鐵馬封引導徑，對失明人士使用公共設施同前往目的地確實有影響，香港現時並冇法例禁止封閉引導徑，亦冇對此情況作出任何保障或讓失明人士有使用嘅優先權，但政府部門應避免阻塞引導徑。
不過，運輸署話附近冇修路工程，相信係警方封路，但失明人士可改用夏慤道及添美道嘅地面行人路上嘅引導徑。警方回覆，五一期間，中區有多個大型公眾活動舉行，警方於是喺上述地點設置鐵馬作人群管理。八方提一提後，警方話將會移走鐵馬，減低對公眾嘅影響。