鄭秀文（Sammi）日前於深圳舉行巡唱，着大鵬展翅新戰衣登場，超deep V加羽毛翼歌衫襯巨型X頭飾，重到要數人幫忙着衫，觀眾睇到尖叫，Sammi搞氣氛說：「你哋買飛入場，除咗欣賞同坐仲要嗌嘛，嗌吓可以消脂減肥。」
之後Sammi換了紗裙透美腿，觀眾又尖叫，她說：「你哋大聲啲啦，未食飯咩？再畀力啲食埋消夜又如何呀！」當晚Sammi同樣請組合C AllStar做嘉賓，成員安仔表示過去年半跟Sammi巡唱，叫觀眾代講一聲多謝許太，Sammi笑爆嘴說：「你估我受唔起呀！受得起有餘啦，你叫我做黃太就話唔應你啫，許太我應你嘅。」
撰文：皓騫