林嘉欣昨日於沙田以法國五月大使身份出席莫奈名畫展開幕典禮,嘉欣自言跟法國很有緣份,她說:「我曾經喺法國讀書,又去過康城,自己都好鍾意法國電影。」嘉欣更表示一定會帶囡囡到場參觀,她說:「遲啲都會,莫奈、梵高佢仲熟過我,因為佢好鍾意睇書。不過真迹係唔同啲,始終啲光都係真實啲。」
嘉欣提到前晚有欣賞黎明演唱會:「因為好耐冇見過佢,大家都係寶麗金年代,當時我只係15、16歲好細個,都同佢拍過MV同廣告,希望佢加油!」但黎明指叫他加油即叫他「去死」,嘉欣即笑說:「咁惟有講good luck。」
採訪:張俊銘
攝影:沈健程