曾經同連詩雅（Shiga)拍拖嘅音樂人曲赤，昨日喺元朗出席電影《忍不住的眼淚》開鏡儀式，佢今次喺戲中飾演反派角色。
對於最近有冇同舊愛連詩雅聯絡，曲赤話:「知佢忙緊新歌。」談到Shiga近日情傷分手，曲赤話:「知佢近排有啲唔開心嘅新聞，都係啲舊事，會為佢祈禱。」對於Shiga被指過去男友多近廿個、換畫快，曲赤話:「又唔覺佢有咁多男友，好多係傳嘅，而我係真嘅。」
另外，Shiga被指「港女」，說話造作，曲赤為Shiga解釋:「我又唔覺佢佢港女，佢講嘅英文係似abc，不過唔覺佢扮abc，平時佢講嘅都係咁。」對於每次連詩雅拍拖同分手，報道都會刊登Shiga同曲赤張「脷疊脷」相，曲赤話其實都有啲尷尬，希望大家都可以忘記過去。