雖然水原藍翼大炒上海上港，但墨爾本勝利（圖）主場以2:1力克大阪飛腳，成功攞到亞冠盃G組嘅次名出線資格，同上港一齊打入16強。賽前上港已經鎖定首名，所以呢輪派副選作客藍翼，結果藍翼靠金健熙梅開二度，加埋閔尚基建功，以3:0大勝。不過勝利亦贏波，由貝利沙同艾奇湯臣各入一球，主場擊敗篤定出局嘅飛腳2:1。勝利同藍翼同得九分，勝利對賽成績較好，所以次名晉級。