【本報訊】「向領展投訴都冇用，總之冇人理！」麗閣邨是舊式屋邨，人口老化嚴重，邨內不少老人家都要靠輪椅代步，因商場沒升降機，令他們極感不便，街坊蕭先生靠電動輪椅出入，坦言對領展頗失望，長期忽視他們的需要。
蕭表示，領展照顧不到需坐輪椅的街坊，即使投訴也沒用，「試過平台斜道維修，直情落唔到嚟，要留喺屋企唔落得街」。他稱，在麗閣邨居住了10多年，情況一直未見改善，每天都要多行冤枉路，通過平台才能進出商場，大熱天時最是苦不堪言。
深水埗區議員陳穎欣亦替邨內傷殘人士抱不平︰「領展嘅無障礙設施較落後，成個商場冇一部升降機」，房署辦事處設在二樓，不少居民會到來交租，對坐輪椅居民極為不便，希望房署盡快興建升降機連接天橋及平台。
《殘疾歧視條例》於1995年通過，訂明如建築物未能為殘疾人士提供適當通道進出一些公眾人士有權進出的地方，即屬歧視。但麗閣邨入伙35年，乃條例通過前的舊建築物，未納入條例規管，所以麗閣商場至今仍屬舊式商場，無障礙設施嚴重不足。
■記者曾海帆