恭喜43歲嘅澳洲門將舒華沙，佢成為英超史上最大年紀嘅冠軍隊成員，仲輕輕鬆鬆取得英超兩連冠嘅成就。舒華沙喺14/15球季嘅上半季踢車路士，上年轉投李斯特城，但佢都係上季車仔英超封王嘅「功臣」。今季，因為卡斯柏舒米高好健康，舒華沙一場英超都冇踢過，就協助球隊首奪頂級聯賽冠軍。舒華沙除咗刷新最老球員拎英超冠軍嘅紀錄外，仲係首位代表兩間唔同球會連續兩季贏得英超錦標嘅球員。