「千億新抱」徐子淇早前帶埋6歲大嘅二女Hayley，去尼泊爾探訪喺去年地震中受影響嘅家庭，子淇接受有線訪問時，佢話：「最想探訪小朋友，等佢哋知道仲有世界各地嘅人關心佢哋。我亦希望其他家長可以帶同下一代，去關心有需要嘅人。」子淇透露喺探訪一個殘障家庭時，不禁感觸落淚，佢話災區環境好惡劣，生活好困難，但好感動見到災民咁勇敢生存，而且此行亦好有得著，感恩Hayley珍惜讀書機會。問到Hayley嘅感受﹖佢話：「我唔開心，因為呢度啲小朋友都無得返學，我有時都唔想做功課，不過見到佢哋，我會鍾意返學。」