拿度（圖）最近返晒嚟，計埋上月底巴塞隆拿網賽奪標，個人贏得49個泥地賽錦標，追平咗阿根廷名宿維拉斯（Guillermo Vilas）嘅紀錄，無負「泥地王」個朵；而佢仲事先張揚，可以喺嚟緊周三馬德里公開賽次圈輕鬆過關，趕去捧施丹場！雖然連對手係邊個都未知，但拿度話：「星期三我會打日場，一切順利嘅話，我會趕得切去巴拿比奴，睇皇家馬德里對曼城嘅歐聯四強次回合！」