阿德萊德聯（圖）噚日喺澳職季後決賽憑布魯士卡馬奧、伊沙亞斯同柏保路山齊士入波，以3:1擊敗西悉尼流浪者，完成澳職歷史其中一個最戲劇性嘅故事。今季佢哋邀請前巴塞隆拿中場阿摩領軍，但頭八輪常規賽未贏過之餘兼排包尾，點知之後發力，除咗後上壓過西悉尼流浪者贏到常規賽，噚日仲贏埋季後賽，成為繼墨爾本勝利、FC悉尼同布里斯班獅吼之後，澳職史上第四隊雙料冠軍。話時話，阿聯喺06/07同埋08/09球季喺季後賽決賽輸波，家陣總算一圓澳職冠軍夢，唔使再做二奶。