看iPad還是看書？
楊千嬅和嘉頓新抱、珠寶設計師張王幼倫（Michelle)，處身不同年代湊仔育兒，上世紀90年代和21世紀的育兒苦與樂，各自有不同挑戰。千嬅為了iPad，要和快四歲的囝囝丁進諾（Torres）鬥智鬥力，但最後親子畫畫發現囝囝的創作天份；張王幼倫就深信閱讀及藝術能感染小孩，於任何年代都一樣有效。
撰文：林妙萍
楊千嬅早前和張王幼倫傾湊仔經，發現兩代媽咪教仔各有難處，千嬅大嘆在互聯網年代，要和三歲囝囝Torres鬥智兼講數，她說：「細細個時，成日驚佢大庭廣眾失禮人，咪settle佢用iPad聽兒歌啦，點知有一日，我發現佢竟然記得密碼，識自己開機。嘩！呢個真係signal。」自此，iPad時間變電視時間，全家食飯不准用iPad，千嬅大呻：「我個仔雖然咁細，但都有情緒，我又唔可以成日say no否定佢，呢吓好頭痛。」
親子下廚樂
Torres是明星子女，又是獨子難免多人錫，千嬅說：「一粒仔始終多人縱，成日買玩具，𠵱家大咗，就會control。例如收到玩具唔會即刻畀佢，會放入貨倉等一輪先，或者會捐咗佢。有時佢想買，我會同佢講『BB，不如我試吓紀錄落嚟，你鍾意乜嘢，媽咪幫你畫落嚟。』」親子畫畫，令千嬅發現囝囝其實鍾意煮食及創作，兩母子入廚包餃子、貼貼紙玩，可以樂上半天。
每個年代都有難處，珠寶設計師、嘉頓新抱張王幼倫三個兒女現時兩個劍橋、一個倫敦大學畢業，她直認對子女自小嚴格有要求：「鬧！我鬧好多好多，細個好嚴，大個咗就要溝通。」本地就讀當然有好處，但富裕生活難免怕寵壞子女，所以一律12、13歲便送出國讀寄宿學校，令子女學習羣體生活，至於價值觀，依然要依靠家人培養，Michelle說：「品德上，禮貌一定要行先，呢啲學校教唔到畀你，family values係要屋企畀，嗰時真係幫航空公司打工，一年飛十次陪佢哋。」
童畫變餐墊
閱讀以外的時間，Michelle會陪子女逛書店、大英博物館、Victoria and Albert Museum，或者到大學區郊遊寫生，20年前的畫作、寫生等，Michelle全部都有留低：「佢哋細個有啲畫畫得好，我會過咗膠，咪變咗餐桌墊，食飯時拎出嚟，佢哋就覺得好得意。」身旁的千嬅聽完即大讚好主意。
與莫奈共膳
「法國五月」藝術節重頭環節，要數17幅印像派大師莫奈（Claude Monet）真迹抵港。珠寶設計師、嘉頓新抱張王幼倫創辦的領賢慈善基金，同時推出了名為《My Monet》的兒童畫作及填色簿，鼓勵小朋友欣賞藝術作品。基金將於下周二在香港文化博物館舉行慈善晚宴，邀請了眾巨星如劉嘉玲、楊千嬅、陳奕迅等，齊齊在17幅莫奈名作陪伴下食飯。
場地提供：Studio 83
楊千嬅化妝：Ling Chan of Zing the make up school
髮型：Vic Kwan of ii hair & nail