名門之後壓力都好大，好似已故荷蘭球王告魯夫個仔祖迪告魯夫咁，發展平平；咁唔知荷蘭傳奇前鋒古華特個囝囝賈斯汀古華特前途會係點呢？16歲嘅賈斯汀日前就同阿積士簽職業球員合約，佢同老竇唔同，擅長左腳之餘，亦會踢翼，不過同古華特一樣足球天份十足，喺阿積士U16入過靚波，亦都幫過荷蘭U17上陣。睇吓賈斯汀又可唔可以步老竇後塵，幫阿積士贏歐聯冠軍嘞。