【本報訊】「梗係驚啦，我連屋企都唔敢返呀！」返回吳松街住所目睹伏屍床上駭人一幕的姓葉女住客，昨日傍晚在樓下街邊燒衣紙求安心，她在憶述那恐怖經歷時仍然猶有餘悸，並且透露墮樓死者為大廈老住客，但彼此並不認識，對方兒子事後上門致歉及慰問，並協助她將伏屍的床褥搬往附近官涌街市垃圾房棄置。
葉女士憶述，昨午往九龍公園跑完步之後返家，開門入屋時，赫然發現「一個男人趴咗喺（我）張床度，面向下，床邊有血」，並且看見屋頂被撞穿，露出一個大洞，她相信該名男子從大廈高處墮下，嚇至立即報警求助。
她表示，知悉死者住其樓上及患有重病，但並不認識他，面對今次突如其來的橫禍，葉女士坦言「都發生咗，冇辦法」，直言心情仍未平復：「回唔到神呀！」更一臉惆悵道：「今晚都唔知瞓邊好，唔知點算！」
■記者黎家駒