阿仙奴由爭標分子跌到去保前四，呢個熟悉嘅劇本今季繼續上演。領隊雲格近期飽受廠迷批評，但佢反而鬧主場球迷嘅聲勢唔夠浩大。講真，由96年接手阿仙奴後，雲格就話自己幫球隊頂咗好多壓力，好似06年建成阿聯酋球場，就要幫球會做擔保，至少要留球隊五年，保持成績之餘兼有54,000人入座，先獲一眾銀行批出貸款。其實雲格講咁多嘢，無非係唔想離開兵工廠啫！