火火曾執導《老笠》等電影，對於《十年》獲選香港電影金像獎最佳電影，火火說：「假如雲吞麵呢間餐廳攞獎係唔合理，我哋𠵱家餐廳咪做得唔係幾好，啲人寧願湧去食細蓉，所以佢咪做咗最佳餐廳囉！其實一部好電影係乜嘢？好電影就係牽動到你情緒，你可以話佢喺電影分析學上仍然唔合格，但牽動到觀眾情緒，佢哋絕對冇黑心過，點解唔可以係最佳電影？」
KB唔介意被抄
Kevin Boy 5年前主持網上整蠱節目《情義兩難全之玩爆你個腎》大受歡迎，就連李思捷為無綫主持的《玩嘢王》，也被網民踢爆抄襲《爆腎》。對此KB揚言不清楚：「我真係唔知，因為我一集都冇睇過！我覺得又唔係話抄嘅，如果都係將呢個整蠱人態度同玩法發揚光大，其實係一件開心事，最緊要大家開心！」為何叫《爆腎》而非《爆肺》？KB笑說：「其實只係求其喺band房諗。」