羅馬「王子」托迪雖然屢次傳出同教練史巴列堤不和，但39歲人仲好勁，兩星期前嗰場聯賽對拖連奴仲梅開二度，逼到球會死死地氣準備下周同佢續約㖭。托迪唔只好波，仲好愛錫球迷；就好似佢之前喺網上就見到一個叫莊遜嘅瑞典球迷，由六歲開始已經捧佢場，背脊仲紋咗着住羅馬10號球衣嘅托迪圖案，所以王子特別邀請呢位死忠到羅馬同佢見面，認真有心！