【本報訊】黃金周假期零售市道不濟，旅遊巴生意亦一早已經轉差。於東涌做旅遊巴司機的李先生表示現時生意很差，他說：「大陸團嘅人真係少咗好多，你見𠵱家東薈城都冇旅遊巴到，一個月開得幾日工，收入都唔知有冇幾千。我做專線嘅司機都好啲，自由行嘅人都仲係有，但收入都有影響。」
導遊：唔可以只做大陸客
李先生續指，於兩年前內地旅客訪港高峯期，每日有逾10架旅遊巴前往東薈城，但目前每日只得兩架。他說：「司機要靠貼士同埋賣精品，佔咗四至五成收入，𠵱家變相減咗一半人工。」
經常帶團到東薈城購物的導遊李先生表示，香港旅遊業的確差了，但未致於「冇得做」。他說：「旅遊業都要變通，唔可以只做一門客人生意，啲日圓平，大陸人可以去日本，唔一定要嚟香港，所以只做大陸客嘅公司，好多都就嚟頂唔順。我哋就做好多國際遊客，好似泰國月初潑水節，好多遊客去泰國玩，咁泰國人咪嚟香港玩。」
他又指，公司目前仍然有過百架旅遊巴，足以證明仍有旅遊生意可做，而大陸客已經降至三成。他坦承收入雖然減少，但未至於「做唔住」。
■記者陳新政