特區政府噚日出新聞稿，特首梁振英將於今日至5月2日離港，其間由政務司司長林鄭月娥署理特首職務。有政圈好事之徒睇到梁特喺五一假期間休假，無不額手稱慶，究竟點解呢？有政圈好事之徒同八方講，呢排政圈不斷有傳聞，話有激進本土派可能喺五一勞動節假期，搞針對內地客行動，仲有流言話到時會爆大鑊，難免令人諗起年初一嘅騷亂，不過該名好事之徒話，睇見梁特放假外遊佢即時放心，因為年初一騷亂爆發，梁特正正一反常態冇放假離港，𠵱家梁特唔喺香港，應該冇事發生喇！