伍詠薇昨日到土瓜灣拍攝其主持的有線節目，並邀得男神王宗堯擔任嘉賓。伍姑娘大讚男神多女粉絲：「你拍過咁多夜蒲系列，啲女仔覺得你好火辣，想知你本身係咪咁火辣？最想睇你排朱古力。」宗堯搞笑謂冇帶朱古力，伍姑娘便說：「咁要show hip喎。」宗堯即大方答應，還趷起屁股讓伍姑娘輕拍一下。
兩人受訪時透露因貓結緣，伍姑娘說：「我係貓癡，好驚藝人養貓，因為冇時間照顧，所以我係咁教佢點養貓，建立咗友誼。」她坦言是親自點名宗堯做嘉賓：「有心有力嘅唔多，我好欣賞佢。」宗堯將在節目中為她做菜，問她私下有否試過宗堯廚藝？伍姑娘說：「我唔敢呀，人哋有女朋友㗎。」
採訪、攝影：盧妹