湯唯的預產期於8、9月，身兼媽咪、人妻、演員三個身份，對於日後的演員發展路向，她說：「首先我一定唔會撈亂，因為全部都係我，只不過可能要將時間分配好。我冇經驗、亦冇諗咁遠計劃，我相信人的潛能係無限。」湯唯笑指生BB後完全沒有想過休息，現時更不斷看劇本，她說：「我覺得呢個唔係我工作，係我生活一部份，無論係家庭或工作，都係生活一部份，令我每天都有充實同新鮮感嘅因素，每一樣嘢都重要，對我講係能量。」
前年嫁給韓國導演金泰勇的湯唯，對於孩子出世後在何地生活，湯唯苦惱說：「呢個超高難度，真係唔知，到𠵱家我哋仲未面對呢啲問題。」問她會否效法章子怡在美國生BB？湯唯卻有自己見解：「我會喺中國生，因為我要聽得明人哋講乜，我驚我發生乜嘢事，仲要繙譯幾煩，始終母語地方安心，爸爸媽媽、朋友都方便啲。」