林日曦創辦的《100毛》旗下「毛記電視」將於下月11日假灣仔會展舉行《萬千呃Like賀台慶》，雖然所有門票一早掃清，一票難求，但ViuTV已落實會播出，觀眾可以免費欣賞，僅因為技術上問題，可能會變成延播而並非直播。
「腦細」林日曦前晚在facebook宣佈毛記台慶將有電視台轉播，並貼上一張ViuTV節目時間表的圖片，當中晚上8時半至11時打上「TBC」字樣，亦即「to be confirmed」（有待落實），明示台慶於ViuTV播出。記者前晚致電林日曦時，他說：「兩個幾月前，我WhatsApp某個電視台高層有冇興趣直播，佢就話有，要問吓啲同事先，之後啲同事都話有（興趣），我哋開始傾，好多detail，直播定轉播，咁佢要賣廣告㗎嘛，廣告時間又點，好多呢啲詳情要去傾。」
與網民鬥罵
問林日曦何以選擇ViuTV？他說：「仲有得揀咩？」為何不聯絡無綫？林日曦說：「第一，人哋都唔會睬我哋；第二，我哋覺得ViuTV嘅觀眾群同我哋（毛記）比較接近，TVB觀眾群同我哋非常之唔類似，一個天、一個地咁樣，完全係兩班人，就算佢肯，都唔啱target！」而ViuTV公關部王小姐則表示：「有消息會容後公佈。」
此外，ViuTV昨於fb上載林日曦與蔣麗芸下周《跟住矛盾去旅行》宣傳短片，有網民留言鬧爆林日曦說：「不懂尊重長輩的廢青！畀你做到朱克伯格（facebook創辦人Mark Zuckerberg）有咩用」，但林日曦亦不甘示弱，留言反駁說：「正如你都唔見得好尊重人。如果夾硬尊重了一些你覺得不值得被尊重的人，你便再也尊重不了自己。」
採訪：皓騫、魯吉
