黎明演唱會取消、百佳拉閘、果欄爆水管...種種種種不順事件，令人聯想到可能呢啲都可能用水星逆行有關！
水星逆行到底係乜東東呢？占星學上就話水逆影響著記憶﹑溝通和通訊等等﹐會令事情有阻滯、令人情緒低落等等。水星一向主宰交流、溝通﹐所以逆行就會帶嚟互動的問題，牽連甚廣。
占星師俠女卜卜嬋Linda，呢幾日都有講開水逆呢樣嘢，佢就解釋咗水逆係點樣出現嘅：「太陽系各個星球都有自己軌道與速度，水星比地球行得快，但軌道不一樣。假設水星是直的橢圓、地球是横的橢圓，一年有三至四次，從地球看水星，這個軌道的差異就會做成視覺上的錯覺，以為水星倒後行。」
今次水逆由4月29日至到5月21日先完，唔知梁特飛去旅行，對香港人有冇丁點幫助呢？
記者：容慧心