【本報訊】昨午4時許，黎明在facebook專頁宣佈拆去內地製造的帳篷，演唱會可如常舉行，當時正門聚集約50位粉絲，他們看fb知道消息後，開心到又喊又叫，互相擁抱，興奮說：「我哋點都會支持，點都會等！就算拆晒啲帳篷都會入場支持，唔會退飛。」
粉絲不擔心帳篷物料
來自台灣的粉絲Allen陪同老婆Esther來港睇騷，兩人於昨日乘搭12時的航班抵港，他們說：「一直在酒店等到4點半看fb通知，立即由酒店趕來。我的太太是粉絲，我們只是買了今天的$1,980門票。不會擔心安全問題，就算下雨也會照看，昨晚（前日）知道消息後也擔心後面狀態，相信會沒事的，Leon不時update fb，我們也不時上去看消息。」
香港粉絲梁先生同樣不擔心：「自己只係搶到今晚$1,980飛。其實噚晚（前晚）一直好緊張，今晚（昨晚）有得睇好開心，帳篷未拆晒我唔驚，唔係英國料箒，都回歸咁耐囉。」提到可能演唱會沒有了4D效果，他說：「唔緊要啦，見到黎明就得。」
另一位香港粉絲Cool亦買了$1,980門票，她說：「知道如期舉行好開心，興奮到喊，一陣見到Leon出嚟我諗會喊，就算落雨都唔會走，點都唔會走。噚日知道佢開唔到，我已經喊，有啲擔心，今日都係抱住開唔成心態嚟，就算真係開唔成，都唔會怪邊個唔啱，只係有啲失望箒。」
■記者曹家誠、盧坤穎