立法會選民登記將於5月2日結束，呢排好多政黨，特別係一班計劃9月派人參選嘅年輕人政治組織，都盡最後努力呼籲年輕人盡快登記做選民，估唔到連剛登陸香港嘅Netflix宣傳自己劇集之餘，亦不忘幫手宣傳選民登記。
Netflix噚日喺fb貼咗張選舉橫額相（圖），不過候選人係哥倫比亞大毒梟Pablo Escobar，其實係宣傳Netflix以Pablo Escobar事迹為藍本嘅劇集《Narcos》，而戲入面Pablo Escobar一直想選國會議員增加政治影響力，而Netflix就食住呢樣嘢，提醒香港人，想撐信任嘅候選人，就記得登記做選民。有網民留言讚Netflix係良心電視台，而Netflix fb編輯答網民，因為佢都係香港人，佢都愛香港喎。