陳豪同陳茵媺(Aimee)終於追女成功，佢哋三年抱三，昨日宣佈重7.15磅嘅「小公主」Camilla喺4月27號順產出世，陳豪仲話好意外，兩個哥哥都爭住錫妹妹。
不少網民頭先見到陳豪個look，特別係佢個髮型，都有點驚訝……以為………其實唔係，只係佢昨早開完工，戴咗頭套，又趕住過嚟，冇時間整理梳頭，全副心思都擺晒喺妻女度，所以先有呢個錯覺。
睇陳豪嘅髮線近年略為後移，未知係努力搵奶粉錢，定係太勤力造人，搞到成個人瘦晒，之但係陳豪都成45歲，平時又成日要用腦，諗演戲、搵奶粉錢，又要搞咖啡店，認真夠晒忙嘅!
再睇番陳豪髮線問題，查實佢出道以嚟，啲頭髮同0依家都係差唔多，雖然佢曾經因為拍古裝戴頭套，搞到敏感，令頭髮有問題，但佢做過護髮中心代言人，冇理由唔識護髮，相信fans都唔使擔心。所以網民關心嘅髮線問題，應該同生仔冇特別關係。