大阪飛腳（藍黑衫）今季換去市立吹田球場踢主場，但呢個可容納39,694人嘅新場似乎唔係好老利。噚日佢哋喺度同川崎前鋒踢第九輪日聯，宇佐美貴史同遠藤保仁等主力繼續冇表現，俾對手前鋒大久保嘉人喺30分鐘攻入個人日職第162球，最終輸0:1，主場連輸五場。飛腳九場聯賽四勝五負，但另一支強隊浦和紅鑽就憑柏木陽介、李忠成、興梠慎三同武藤雄樹各入一球，主場輕取名古屋鯨魚4:1，仲以七勝一和一負，繼續排喺榜首㖭。