暑假將至，又是坐郵輪嘆海上假期的最佳時節。但坐郵輪出海遊埠動輒成萬蚊，加上整整兩個星期在海上飄浮，若船上無精彩娛樂設施都幾悶。最近網民熱烈討論的「海洋和悅號」（Harmony of the Seas）把整個水上樂園搬了上船，下個月即將落水首航，那條十層樓高的旋轉滑梯、兒童戲水樂園、三色滑水道等設施，淨睇相都已經牙癢癢，想瘋狂玩過夠。同為皇家加勒比國際郵輪旗下的海洋航行者號（Voyager of the Seas）也將於今年11月駐港，以香港作為天津後的另一母港，提供五條由香港到日本、台灣等地的航線。
郵輪冇滑梯係令人有點失望，但睇真點，原來船上將有個名為「北極星」的十幾層樓高「吊臂車卡」，讓人能在裏面360度環迴睇海景，晚上仲可以在一望無際的大海中睇星星；仲有挑戰心臟極限的甲板跳傘和海上碰碰車等玩樂設施，好唔好玩就未知，但其創新和誠意值得加分，打破一般人對坐郵輪的刻板印象。
記者：王秋婷
