五．一黃金周光環不再，尤其對酒樓式食肆已無對生意有正面影響。走中高檔路線的龍皇酒家飲食集團主席黃永幟（幟哥）接受電話訪問時直言，現時一日都未必有一檯內地客光顧，今年已不再針對黃金周做任何推廣優惠。
幟哥表示，五．一黃金周對飲食業的衝擊，只限於自由行開放的首兩、三年，「早幾年都有個期望，近幾年都冇話有冇黃金周，內地客冇明顯多到」。他指，自從內地打貪後，內地客消費力已明顯下跌，所以難會以內地客為主力客群，都是以本地客為主，黃金周都沒有收到任何內地客訂檯。
幟哥憶述，「以前每間分店一晚40張檯，有5至6檯係內地客，人均消費600至700元，較港人500元以下高。而最尖端嘅內地客，可以一圍以3萬至5萬，人均消費3,000至5,000元，最鍾意叫海鮮、魚翅、鮑魚等高級食材，而家就算有內地客，最多都係食條魚加埋龍蝦咁」。
過去兩年旗下酒樓已甚少純內地客幫襯，「都係香港有親戚嗰啲先會嚟食，嚟自由行嗰啲多數都係食快餐、茶餐廳之類，好少食中上消費嘅食肆」。雖然集團近年都有在內地媒體賣廣告，但效用不大。
至於今年除春節期間生意較好外，3、4月生意都轉差，尤其4月生意按年插水式跌逾一成。幟哥認為，本地人消費意欲低迷，「有錢都唔想使，要縮就係縮出街食飯錢，有好多熟客以往一星期幫襯兩、三次，而家可能隔一至兩星期先嚟一次」。現時集中做港客生意，下月母親節訂檯情況算理想，已有八成滿座。
記者：程俊華