西班牙傳媒日前爆料，指同巴塞隆拿得番兩年合約嘅巴西國腳前鋒尼馬，喺舊年世界金球獎頒獎典禮上，同皇家馬德里會長佩雷斯密斟傾過檔；而尼馬同佢老竇講，若然有其他球會開條件斟佢，一律唔使理。報道仲指，尼馬老竇之後同佩雷斯兩次見面，仲表態話佢個仔唔介意離開巴塞轉投皇馬㖭。不過，尼馬係「MSN」成員同巴塞最重要嘅球員之一，就算巴塞真係等錢使，斷估都唔會咁蠢放尼馬畀皇馬啩？