【中環】吳嘉龍今年2月喺屋企附近俾人淋紅油，搞到成臉紅油嘅佢嬲到爆。不過，蜜運中嘅佢拍拖時仍然心情靚靚，大前晚就同四眼女友喺中環拍拖食pizza。
當晚8點幾，吳嘉龍同女友喺中環荷里活道出現，似乎同附近街坊都好熟絡嘅佢，沿途不停同唔同人打招呼，行行吓仲一齊俾間時裝店吸引住，但只係入去望咗一陣就轉去餐廳食pizza。但兩個人都有香港人嘅通病，坐低冇耐即變低頭族，對住坐但冇嘢講，淨係不停篤電話，不過四眼女友都好細心，pizza一到即負責切，吳嘉龍就擺大爺款，見女友一件件分好晒就放低電話開始食。
採訪、攝影：徐錦池、畢紹基