去年劉浩龍在社交網撰「污糟手」論惹全城圍插，事發前剛谷新歌《走》的他，直至現在事件丟淡了，等到本月中終推出新碟《Change Your Life》。師兄說：「事隔一段日子，我都想講番喺我文章裏面，真係冇一句句子詆毀歧視低下階層，呢一刻我先可以講番出嚟，其實對面嗰位唔係一位咁嘅人。」
師兄解釋：「我真係喺網上是但揀張相，完全冇意思詆毀任何工作，我明白網上世界好容易令人有錯覺，當時我選擇承認錯失，𠵱家我都想講番畀人知，我當時絕對唔係咁意思，但我願意去改過，家人朋友都畀意見我，佢哋明白我講乜嘢，但佢哋教識我，出面可能好多人未必了解劉浩龍係乜嘢人，見到呢啲咁直接嘅文章，可能諗咗第二樣嘢，哦，我明白啦，呢個世界唔能夠太坦白，因為唔係大家都明白你嘅心情講緊乜嘢。」