2016年4月26日對希斯堡慘劇受害人嘅家屬嚟講，係值得紀念嘅一日，因為英國法院裁定喺27年前於人踩人慘劇中喪生嘅96名利物浦球迷係「被非法殺害」。點知喺有裁決嘅同時，身為利物浦大使嘅奧雲，竟然喺twitter度投訴搭飛機時隔籬有個細路喺到喊好鬼嘈（圖）。
奧雲當年離開母會利物浦，過幾年之後佢竟然轉投紅軍死敵曼聯，惹嚟唔少紅軍躉嘅反感。明明係紅軍青訓出身嘅金童，搞到早前被委任為紅軍大使都俾球迷唾棄，就知佢幾唔識做人啦，今次又tweet埋啲咁冇sense嘅嘢，梗係又被圍插，話佢冇腦同唔尊重死者啦！