黃子華早前上蕭若元喺網台節目《蕭遙遊》，講自己人生其中兩個恩人係蕭若元同黃霑，子華稱同蕭若元有段淵源，見蕭若元話做到5月23號唔做，所以子華先上嚟報恩，佢稱以前有好多節目搵佢，佢都百分之百推晒。子華回想1999年有個朋友介紹佢去見蕭若元，指子華做極都紅唔到，話搵蕭若元點條明路，叫佢做喜劇演技嘅方向，當時子華好感激對方，過咗幾個月，佢就演劇集《男親女愛》，個角色要求係無端端好high，引證蕭生畀佢嘅建議，余樂天呢個角色幾成功，所以蕭生係佢嘅恩人。