憑《高山低谷》一曲成功彈起的填詞人陳詠謙（Abrahim），兩年前與杜汶澤的化妝師陳意嵐離婚後，昨日在Ig貼圖宣佈與圈外女友Angel結婚兼用英文留言：「幸福婚姻就好像有傾不完的話題。男士們，她已選了我。」原來他們早前在峇里簽紙行禮，前晚在香港補擺喜酒，師傅黃偉文（Wyman）、好友王灝兒（JW）、衛蘭、衛詩及親友們出席，Wyman昨日在Ig留言：「他倆很認真地要給我斟『新抱茶』，好sweet。」與新郎哥相識多年的JW亦在電話上說：「我識得佢太太，之前有一齊食過飯。」
太太煮一手好餸
陳詠謙透過唱片公司多謝各方祝福：「太太Angel係圈外人，不過佢同我好多歌手朋友都好傾得埋，好多都仲食過佢煮嘅飯，佢煮飯係有一手嘅，覺得自己最起碼都娶咗個煮飯婆返嚟。」提到峇里行禮，他說：「我冇諗過自己會喊，但係我喺教堂見到佢爸爸拖住佢入嚟嘅時候，嗰一刻真係忍唔住滴咗幾滴眼淚，我就更加肯定，我對我太太係有種特別嘅感覺。」
對於前夫結婚，陳意嵐昨日在Ig留言：「2014年尾還和他家人一起吃飯，還承諾會認真有誠意再娶我的，不到一年半已經在早前娶了另一位。」她呼籲好友不用再刻意問候或提起，讓她保留美好回憶，最後她仍祝福前夫：「愛是永不止息的，願過去我倆的不成熟和過錯令你以後的路平坦順利，祝你們幸福快樂。」記者其後向陳詠謙了解，但唱片公司表示不作回應。
此外，岑寧兒昨日在觀塘綵排，提到陳詠謙結婚，她表示有幫手做兄弟並會送上擁抱。
採訪：唐琛悠、小米