周日（5月1日）新馬賽1000米共有七駒報名，焦點自然落在上場一出即勝的「阿凡達」身上。
來自徐雨石馬房的三歲馬「阿凡達」，上場4.2倍，受注目程度遠不及1.6倍之「兄弟熊」，但表現卻技驚四座，在鄭雨滇胯下，拋離亞軍「兄弟熊」輕勝。
不過周日「阿凡達」再出，面對一個重大難題，就係掛頭牌負133磅，如果再用鄭雨滇，年輕馬負重磅很吃虧，所以徐雨石就一早卜定女見習生蔣嘉琦操刀，可以減十磅，變成123磅，比上仗129磅贏馬，仲要輕6磅，大大增加連捷機會。
至於同場廐侶「當旺財」，則由徐雨石的徒弟黃皓楠策騎，只需負110磅，「當旺財」剛於本周二試閘勝出，進度唔錯，隨時開出馬房Q！
講番嘉琦妹隻「阿凡達」，徐雨石曾經講過，非常睇好呢匹愛爾蘭馬的前景，佢話「阿凡達」晨課冇乜睇頭，走來斯斯文文唔多起眼，不過真正競賽時，末段一畀即可交出一股蠻勁，十分叻仔，屬可造之材，相信呢場頭馬，應係嘉琦妹的囊中物。