【本報訊】黃定光昨面對黃毓民咄咄逼人，質疑他與梁振英「friend過打band」時，精神抖擻地連聲否認。控方多次反對黃毓民就梁及黃定光兩人的關係發問，黃毓民甚狀勞氣地反駁「點會冇關呀？」強調報警之舉有政治利益輸送之嫌，「控方對政治理解咁膚淺，梗係認為冇關」。
稱目睹「閃光」 主動報警
黃定光聲稱目睹黃毓民向梁振英拋出「閃光」、及後「諗諗吓，越諗越覺得驚傷及無辜」，因而主動報警。黃毓民連番追問他與梁之間的關係。
當黃定光被問及曾否為梁振英參選特首站台時，裁判官即打斷「有乜關係呢？」黃毓民略帶激動地指「點會冇關呀？佢同梁振英friend過打band，𠵱家咪嚟隊我囉」。
黃毓民更指出，早於2011年11月梁振英宣佈參選特首時，黃定光已經一馬當先率先表態挺梁，無視民建聯不准許黨員為任何特首候選人站台的「禁令」，黃定光反指「每個人都有立場，支持乜人係個人自由」，更反駁不知禁令何來。
黃毓民又指民建聯2013年底向政府建議設立落馬洲邊境購物城，黃定光是計劃的牽頭人，問他有否投資相關計劃，控方隨即打斷「又有乜關係？」裁判官亦認同指「我都唔知」。
黃毓民則強調計劃為解決反水貨等自由行問題，須取得梁首肯，「呢啲筍嘢梗唔會畀泛民做」，質疑兩人關係惹人懷疑，有利益輸送之嫌。
■記者楊思雅