小數怕長計，要好似梁特首玩遊戲咁，月薪九千養活一家五口，仲有錢剩，買包紙巾都要計過度過啊！以香港人最愛用嘅Tempo迷你紙巾（原味）為例，連鎖店多數只賣18包裝，平均每包$1.16至$1.22。細藥房賣嘅Tempo，多數係36包嘅經濟裝，平均每包介乎$0.78至$0.83。睇落都係差幾毫，但假設你每日用一包紙巾，全年在下列連鎖店買，最平都要花$1.16×365=$423.4；而全年在下列嘅細藥房買，最平只係$0.78×365=$284.7。兩者差額高達$138.7，等於細藥房177包迷你Tempo（原味）的售價。
而家庭主婦常用的Virjoy衛生紙，以買兩件的平均售價來看，連鎖店與細藥房價格相差不遠，每件最多相差$3。但在小店買有一個好處，就是單件售價便宜一大截（最多可節省$7.9），不必被迫存貨，塞爆蝸居。
格價日期：23/4/2016至25/4/2016
記者：彭海燕