機管局護狼心切，爆料指過去一年，以courtesy delivery為由，代乘客從禁區外取回行李，交回候機室貴客的事件，有517樁。日日超過一單CD，機管局必須開誠布公，將517件「行李門」開鎖，讓市民檢視，睇吓自己有無機會成為下一個CD受惠者。機場職工就得醒少少，聽到下列對白，要特事特辦：
I'm your boss！叫我x老闆！地勤和保安隨時半夜被炒，還加按語：落鑊為省油，閣下是省油的燈！
你有乜貢獻！我地忍手起三萬五間丁屋，如果起晒佢，機場都無碇企，三跑跑落海啦！運房局驚咗姓侯的黨主席，機場職員怠慢立法會未來的票王，將來入新界，一出西鐵就係泥頭山！鄉紳告你闖入佢個禁區！
你們用自己方式幫件行李返回內地！係，你無聽錯，別問是否姓李，爽手deli行李，否則強力部門出手！
機管局做過咩！高層食屎啦！原句出自資深球評家何鑑江鬧爆馬逢國，聽到這種改裝過的對白，機場員工士氣大振，全程幫乘客推行李升級坐商務！