今屆歐國盃（圖）究竟邊個台播，終於都揭曉喇！「現在台」宣佈，攞到歐國盃同埋美洲盃嘅直播權，將會開設650同651兩條頻道，同時亦可以透過智能電話app，睇晒以高清直播嘅所有51場歐國盃同32場美洲盃。不過，「現在台」新聞稿指出，佢哋今次攞到嘅播放權並唔係獨家嘅，而且捆綁式買晒歐國盃同美洲盃要成700蚊，抵唔抵就見仁見智喇。至於想免費睇嘅客戶，可能就要續約，或者加訂其他台先至得喇！