猶記得喺90年代港產笑片中，其中一個笑位就係喺體育比賽中出術，好似跳高時喺對鞋度裝彈弓，或者賽跑時喺對腳度裝摩打；但勢估唔到呢啲咁嘅出術方法，竟然喺現實中出現！比利時女子單車手雲丹迪舒（Femke Van den Driessche），禮拜二俾國際單車聯會罰停賽六年兼被罰款兩萬瑞士法郎（約16萬港元），原因係呢名19歲車手竟被指喺年初世界越野單車錦標賽中出術，喺架戰車入面裝咗摩打！