香港第一家庭又名愛生事家庭，早前嘅機場行李門風波，惹來網上一片惡搞潮，若然唔係「姓梁的後裔」，漏咗嘅李行唔使旨意有人幫你拎。
雖則梁特堅持冇用特權，但普羅大眾心中有數。nowTV新聞部好大膽，前日喺《新聞智庫》抽梁特水。主持湯芷晴介紹「前蘇聯切爾諾貝爾核事故發生30周年」，講番當年受災兒童嘅現況，而喺之後出世嘅小朋友，畸形情況普遍，但身殘志不殘，有啲人成為咗殘奧選手。
而佢哋嘅總結，是咁的：「身體殘缺不代表一切，世界上，人殘志不殘嘅例子，比比皆是，同有四肢健全人士比較起來，連手提行李都要他人代勞，實在有天淵之別。」相信人人都會即時諗到「特事特辦」事件。難怪網民一致like爆。
傳CY一人跑馬仔
噚日更發展至梁頌昕學佢老竇嗰一招，向機管局發律師信喎，雖則話係想表明願意提供資料箒，但用到律師信咁嚴肅，嚇死人咩！查實愛生事家庭為中央帶嚟咁多麻煩，不如，2017年換咗CY啦？點知有高人話，未必如香港人所願喎，仲反問八方，有乜人好揀？
佢話喎，港人越鬧、CY個位越穩喎，而呢個論調，普遍政界都認同而且深表遺憾囉。政圈仲熱傳，下屆特首若多過一個候選人，好危險，所以若泛民唔推薦人出嚟選，極有可能得CY單丁跑馬仔。嘩，大倒退都得？其實喺習大大治下，有乜唔得？
識睇睇留言
LL617：放棄TVB 齊睇NOW TV
Fai Wingfai：李家也看不過眼。
Tak Kei Kong：抽到完美無瑕，十分:)
Susanboy Hk：唔止係靚抽，而係絕抽！
Rain Li：小心689明天叫妳唔駛返工。
Thomas Kam：呢一刀真係捅得應!
Man Leung：LIKE呢D嘢一定要比
資料來源：《蘋果》網站
李八方
mailto:[email protected]