90後香港26歲壁球二哥歐鎮銘，憑上年歷史性奪得亞洲冠軍，噚日獲亞洲壁協頒發年度亞洲最佳男球手獎，港隊教練簡化謙亦獲頒年度最佳教練，𠵱家世界排名升到新高26位嘅歐鎮銘話：「呢個獎對我係一種肯定，多謝教練同家人支持。」目前喺埃及出戰國際賽嘅歐鎮銘，首圈以3:1贏世界排第18嘅印度球手哥素，可惜喺16強就以0:3輸咗畀世界排第六嘅哥倫比亞球手洛迪古斯；佢期望下月亞錦團體賽可以再衝牌。