香脆嫩口的炸雞一直是韓流食物代表，但市面上韓國餐廳越開越多，唔諗下計仔，好易被淘汰。這間位於觀塘的韓國cafe雖然位置較難搵，身旁亦沒有熱鬧的商店供食客逛街，但依然得到不少後生仔女歡心，原因是這個呃Like芝士麵包！
這個溶岩芝士炸雞麵包，外表的確有點像火山爆發，焗得香脆的法包內含大量融化了的芝士，碟邊亦有十幾粒炸雞粒，份量大，三人分享剛剛好。雖芝士略稀，味道不算非常濃郁，但配上炸雞亦不淡口。如果想拍攝炸雞牽絲的畫面，建議炸雞可以在麵包底部多沾幾個圈芝士，才拿起雞粒。
除了炸雞麵包外，店內亦有不少特色料理，例如網燒牛豬，將兩者二合為一再燒成薄片，配合燒汁，略有濕版豬肉乾的感覺，加埋啤酒就好夾喇。值得一讚是，店內員工笑容滿臉，亦非常有禮貌，在點餐後會主動留餐牌給食客，方便食客隨時落單。
小火焰韓式咖啡餐廳
觀塘觀塘道410號觀點中心1樓1號舖
記者、攝影：李泳烔
