意甲喺周一安排三場比賽，結果亦都產生今季冠軍；頭場羅馬主場對拿玻里嘅前三大戰，羅馬以1:0擊敗拿玻里，追至只落後次席嘅拿玻里兩分外，亦間接幫祖雲達斯打江山，祖記35戰85分，領先拿玻里12分，提早三輪聯賽、連續五屆封王。周一祖記大軍就係練習基地睇直播，封王後眾將齊齊拋起教練艾基利慶祝㖭；同日維羅納雖然主場2:1反勝AC米蘭，但由於卡比1:0小勝安玻里，榜尾嘅維羅納落後17位嘅卡比10分，護級失敗下季降至乙組。