巴黎聖日耳門（PSG）提早於法甲封王，仲啱啱捧走埋法聯盃，加上歐聯已出局，咁一班球星好似伊巴謙莫域、馬高華拉堤、柏斯托尼同埋門將沙華托尼施利古，就約埋去美國賭城慶祝。賭城酒色財氣，而佢哋又係球星，梗係多女圍啦！而且啲女仔個個都着住三點式泳衣，真係好鬼養眼㗎，不過唔知伊巴之後會唔會俾老婆海倫娜扭耳仔呢？講開PSG，佢哋嘅教頭白蘭斯（小圖）最近就被指係接替曼聯領隊雲高爾嘅熱門人選，仲話白蘭斯接手紅魔後，會保留傑斯做佢副手喎！