德國球星曉姆斯同埋德國車手羅斯保都係名牌老西HUGO BOSS嘅品牌代言人，日前仲一齊出席活動。拍落身高達1米92嘅多蒙特中堅曉姆斯，羅斯保呢位F1平治車手當堂變咗個小矮人，但話晒佢係頂級運動員，身材相當之弗，所以着起西裝個樣都型到爆，絕對唔輸蝕畀曉姆斯囉。至於曉姆斯同多蒙特得番一年合約，所以有指多蒙特為免人財兩失，可能被迫喺今夏賤賣畀拜仁慕尼黑或曼城，但曉姆斯本人就冇透露自己去向。