體壇再添喜事！南華助教李嘉耀太太Winnie噚日誕下男嬰，兩公婆湊夠個「好」字之餘，「大隻耀」亦都搵到接班人喇！做得大隻耀接班人，細佬當然唔簡單，一出世就已經有八磅重，件頭十足㗎！阿耀話，今次細佬出世，同之前家姐出世嗰時一樣咁緊張，本身諗住喺產房唔會流馬尿，點知囝囝出世嗰刻都係忍唔住，感動到喊咗出嚟！而細佬已經改咗名喇，叫殷昊，唔知第時有冇機會見到佢喺籃球場上出現呢？